Матад сум

Матад сум

Манай нутагт Тавст Тодын ухаа, Тодын хонхор хэмээх газар хэрхэн үүссэн талаарх домог өгүүлэх нь:
Тод нэртэй өвгөн цөөхөн хонь, ямаатай тэр хавиар олон жил нутагладаг байсан бөгөөд нэгэн удаа Тод гуай хэдэн хонь, ямаагаа алдчихаж, өдөржин эрээд олсонгүй, тэгээд өнөөх ухаа толгод дээрээ гараад “Та минь ээ, Өвгөн Тод хонио алдчихлаа. Туслаарай” гээд хашгирсанд 10 гаруй километрийн зайд орших “Хаяа хондлой”-д нутаглаж байсан айлуудад сонсонгдож, тухайн айлын хүмүүс ирж өвгөнд алдсан малыг нь олж өгч байсан гэдэг. Магадгүй, тийм хол зайд хүний хашгирах дуу нь сонсогдож байсан гэхээр нэг талаар агаарын долгион, сийрэгшил зэргээр шинжлэх ухааны үүднээс тайлбарлаж болох ч тэр болгон хүний хашгирсан, исгэрсэн дуу чимээ алсад тэртээд сонсогддоггүй бөгөөд энэ нь Тод гуайн өвөрмөц дуу хоолой, гайхамшигт авъяастай нь холбоотой байсан биз ээ.

Сэтгэгдэл бичих